Dende a Asociación CODIA queremos mostrar a nosa desilusión pola exclusión do acordeón diatónico dentro do texto polo que se declaran Ben de Interese Cultural do patrimonio inmaterial a música e o baile tradicionais de Galicia, publicado o pasado día 12 de xaneiro.
Ademais das diversas imprecisións, incoherencias e contradicións que atopamos neste Decreto, é unha mágoa que se teña perdido a ocasión para incluír explicitamente un instrumento coma o acordeón diatónico, que ten tido un papel ben importante dentro das nosas músicas de tradición oral, que segue vivo e que aspiramos a que cada vez estea máis presente nos torreiros do galegos, en pé de igualdade cos países da nosa contorna.
En Galiza, a 17 de xaneiro de 2026.
