A asociación Galicia Fiddle e o Colectivo Diatónico Galego – CODIA, colaboran por segundo ano consecutivo cunha bolsa de estudos para participar nas aulas de acordeón diatónico dentro da programación do Encordass Fiddle Fest, promovendo así a igualdade de oportunidades.
Cada verán, na Illa de San Simón, o festival Encordass organiza un encontro arredor das músicas de raíz con artistas recoñecidos a nivel internacional. O festival inclúe, ademais de concertos, obradoiros e diferentes actividades colectivas (ex. danzas do mundo) tanto para músicos amateur como profesionais, enmarcado nun contexto de intercambio e convivencia.
No Encordass Fiddle Fest sempre houbo lugar para o diatónico, polo que esta colaboración entre Galicia Fiddle e CODIA (colectivo adicado á promoción do acordeón diatónico) reforza o compromiso coa transmisión do patrimonio musical galego, creando pontes entre culturas, xeracións e instrumentos, enriquecendo ó Encordass Fiddle Fest como espazo aberto á diversidade musical.
Para máis información: codia@codia.gal
